മമ്മുട്ടിയോടും മോമോഹന്‍ലാലിനോടും ഇവര്‍ ഇങ്ങനെ ചെയ്യുമോ? വിനായകനെ അപമാനിച്ച മാധ്യമ പ്രവര്‍ത്തകര്‍ക്കെതിരെ സോഷ്യല്‍ മീഡിയയിൽ പ്രതിഷേധം

12 എഎന്ന സിനിമയുടെ പ്രമോഷന്‍ പ്രസ് മീറ്റിങ്ങിൽ നടൻ വിനായകനോട് ഒരു കൂട്ടം മാധ്യമ പ്രവര്‍ത്തകര്‍ നടത്തിയ പ്രകടനം സോഷ്യല്‍ മീഡിയയിൽ വൻ പ്രതിഷേധത്തിന് വഴിയൊരുക്കി. വിനായകനെ അനുകൂലിച്ച് നിരവധി ആളുകള്‍ ആണ് രംഗത്ത് വന്നിരിക്കുന്നത്.

അതിലെ ഒരു പോസ്റ്റ് താഴെ കൊടുക്കുന്നു.

ദിലീപിന് മുന്നിൽ ഓച്ഛാനിച്ചു നിന്ന് ദിലീപെട്ടാ എന്ന് മുഴുവൻ വിളിക്കാത്ത ചില മാധ്യമ പ്രവർത്തകർ വിനായകനോട് എടൊ , താനാരാടോ , എന്നൊക്കെ ആക്രോശിക്കുന്നതായി കണ്ടു !!

ധ്യാൻ ശ്രീനിവാസന്റെ സ്ത്രീ വിരുദ്ധ പരാമർശങ്ങൾ ഓരോന്നും തഗ് ബിജിഎം ഇട്ട് whatsapp സ്റ്റാറ്റസ് ആക്കി കൊണ്ട് നടക്കുമ്പോൾ ..
ഉത്സവപ്പറമ്പിൽ ജാക്കി വെച്ച ബൊച്ചേ യുടെ കുറുമ്പുകൾ നിറ പുഞ്ചിരിയോടെ ആഘോഷിക്കപ്പെടുമ്പോൾ ..
ഗായത്രിയുടെയും, ഷൈൻ ടോം ചാക്കോയുടെയും പരസ്പര ബന്ധമില്ലാത്ത സംസാരങ്ങൾ ഒക്കെയും ട്രോളുകളും, കുട്ടി കുസൃതികളും മാത്രം ആകുമ്പോൾ ..

വിനായകന്റെ ശരീരഭാഷ സമൂഹത്തിന് നിരക്കാത്തത് ആണെന്ന് കൽപ്പിച്ചെടുക്കുന്നതിന്റെ പേരാണ് ജാതി..!

അച്ചായൻ വിളിയിൽ അനൗചിത്വം തുറന്നു പറഞ്ഞ ടോവിനോയുടെ മറുപടിയിൽ അല്ല ..
മമ്മൂക്കയും , ലാലേട്ടനും , ദിലീപേട്ടനും , രാജുവേട്ടനും വിളിയിൽ തേനും പാലും ഒഴുക്കുമ്പോൾ “വിനയകാ ” എന്ന് വിളിച്ചു കൊണ്ട് ആ പത്രപ്രവർത്തക ഗുണ്ടകൾ ആക്രോശിച്ചതിന്റെ പേരാണ് ജാതി ..

അവാർഡ് ലഭിച്ച വിവരം അറിഞ്ഞപ്പോൾ വിനായകന് മുന്നേ വീട്ടിലെത്തി സെറ്റ് ഇട്ട് അയാൾ എത്തിയപ്പോൾ “ചാനൽ റേറ്റിങ് കൂട്ടാൻ അമ്മയെ ഒന്ന് കെട്ടി പിടിച്ചു കരയാമോ എന്ന് ചോദിച്ചപ്പോൾ ” ജീവിതത്തിൽ അഭിനയിക്കാൻ പറയരുതെന്ന് ” പറഞ്ഞവൻ ധിക്കാരിയായി നിങ്ങൾക്ക് തോന്നുന്നുണ്ടങ്കിൽ ..

വീട്ടുമുറ്റത്തു നിന്ന് പുറത്തേക്ക് നോക്കിയാൽ അപ്പുറത്തെ പറമ്പിൽ വെളിക്കിരിക്കുന്നവനോട് ” അല്ലയോ സുഹൃത്തേ അവടന്ന് മാറി ഇരിക്കൂ ” എന്ന ഭാഷയിൽ പറഞ്ഞാൽ അവൻ മാറുമോ?” എന്നും “അവനോട് പറഞ്ഞു ശീലിച്ച ഒരു ഭാഷയുണ്ട് അത് പറയാനെ എനിക്കറിയൂ അത് പറഞ്ഞാലേ അവൻ മാറിയിരിക്കൂ” എന്നും മനസ്സ് തുറക്കുന്നത് ധാർഷ്ട്യം ആയി നിങ്ങൾക്ക് അനുഭവപ്പെട്ടുവെങ്കിൽ ..

ആ മാനസിക വൈകൃതത്തിന്റെ പേരാണ് ജാതി!

നിറം നോക്കി അവൻ കഞ്ചാവാണെന്നും , വേഷം നോക്കി അവൻ തീവ്രവാദിയാണെന്നും കൽപ്പിച്ചെടുക്കുന്ന പൊതുബോധം മാറാത്തിടത്തോളം കാലം ഇനിയുമിത് തുടരും !!

–
Riyas CL