12 ബൈക്കുകൾ മോഷ്ടിച്ച ദൈവദാസൻ പാസ്റ്ററെ പോലീസ് പൊക്കി

മധുര: ലോക്ക്ഡൗണിനിടെ ബൈക്ക് മോഷണം പതിവാക്കിയ പാസ്റ്റർ അറസ്റ്റിലായി. തേനി ജില്ലക്കാരനായ വിജയൻ സാമുവൽ (36) ആണ് മധുര സിറ്റി പൊലീസിന്റെ പിടിയിലായത്. മധുരയിലെ തനക്കൻകുളത്ത് വാടകയ്ക്കെടുത്ത ഹാളിൽ പ്രാർത്ഥന നടത്വതിരികയായിരുന്നു പ്രതിയെന്ന് പൊലീസ് അറിയിച്ചു.

ലോക്ക്ഡൗൺ കാലത്ത് പൊതുസ്ഥലത്ത് മതപരമായ പ്രാർത്ഥനകൾ നിരോധിച്ചതോടെ വരുമാനം മുട്ടിയ പാസ്റ്റർ വാടക നൽകാനും ചെലവിനും മറ്റുമായി വാഹന മോഷണം പതിവാക്കുകയായിരുന്നുവെന്ന് പൊലീസ് പറയുന്നു. കടകൾക്കും മറ്റു വാണിജ്യ കേന്ദ്രങ്ങൾക്കും സമീപം നിർത്തിയിടുന്ന ബൈക്കുകളെയാണ് പ്രതി ലക്ഷ്യം വെച്ചത്. താക്കോൽ ബൈക്കിൽ തന്നെ വച്ച് കടകളിലേക്ക് കയറുന്നവരുടെ ബൈക്കുകളാണ് വിജയൻ സാമുവൻ തന്ത്രപൂർവം മോഷ്ടിച്ചിരുന്നത്.